twilight توايلايت و احداث هذه القصة

ادخل حمل قصة توايلايت كاملة
تحميل رواية توايلايت Twilight كاملة
القصة;:
توايلايت او الشفق بالعربى (بالانجليزى Twilight) هيا اول رواية من سلسة من الروايات(اربع روايات لحد دلوقتى) االسلسلة بتدور حوالين قصة الحب اللى بين مصاص الدماء ادوارد كولين والبنت ايزابيلا سوان. السلسلة من تأليف الكاتبة الامريكيانية ستيفانى ماير والسلسلة دى نجحت جدا واتباع منها لحد دلوقتى 85 مليون نسخة واترجمت لاكتر من 37 لغة وكمان اول جرئين اتعملوا افلام والتالت بيتعمل حاليا. اصل القصص حلم حلمت بيه الكاتبة فى شهر يونيه 2003. الحلم كان عبارة عن حوار بين شخصين فى جنينة جوه غابة الشخصين دول كانوا بنت عادية التانى كان ڤامبير(مصاص دم) جميل جدا جدا وجسمه كان كله بيلمع. الاتنين كانوا بيناقشوا المشاكل والصعوبات اللى مقابلاهم وهيا:

• انهم وقعوا فى حب بعض بينما.
  
• الڤامبير كان مشدود اوى لريحة دمها وكان بيعانى من صعوبة التحكم فى نفسه عشان ما يقتلش البنت ويمص دمها اللى كان زى المخدر الخصوصى بتاعه.
  

القصة كانت احسن كتاب اتباع لسنة 2008 ولحد دلوقتى اتباع منه 17مليون نسخة فى العالم كله.
احداث القصة
القصة بتدور حوالين ايزابيلا سوان البنت اللى عندها 17سنة اللى انتقلت مؤخرا من فينيكس المشمسة بأريزونا لـ فوركس الممطرة فى واشنطن عشان تعيش مع ابوها تشارلى مأمور قسم فوركس بعد ما كانت بتعيش مع مامتها رينيي. مامتها اتجوزت فيل لعيب بيسبول فى دورى الدرجة التانية الامريكى عشان هوا بيسافر كتير مامتها سافرت معاه. بيلا شدت انتباه كل الولاد فى المدرسة وكلهم كانوا عايزين يصاحبوها.فى اول يوم فى حصة الاحياء قعد جنبيها أدوارد كولين اللى اول ما شافها اتاخد واتحمل الحصة بالعافية كأن واحدة ريحتها لا تطاق قاعده جنبه قبل حتى ما الجرس ما يضرب هوا جرى بسرعة وخرج من الفصل. اختفى أدوارد بتاع اسبوع وبيلا كانت متضايقه اوى عشان الحركة اللى هوا عملها كانت عايزة تواجهه بس هوا ما ظهرش. تانى اسبوع جه واتعرف عليها وكده. علاقتهم ابتدت تزيد لما هوا انقذها من الموت لما زميلها تايلر اتزحلقت عربيته وكان هيدوس عليها فجأة أدوارد بقى جنبها وصد العربية بايده بقوة غير بشرية. بيلا ابتدت تسال أدوارد اسئلة عشان تعرف الحقيقة. ظنت انها عرفت الحقيقة لما خلت جاكوب بلاك يحكليها عن الاساطير الموجودة فى القبيلة بتاعتهم(Quileute Tribe) اللى بتحكى عن الناس الباردين(مصاصين الدماء). أدوارد اعترف لبيلا عن حقيقته هوا وعايلته اللى هما نباتين يعنى مش بيمصوا دم النبى آدمين بيمصوا دم الحيوانات بس. الاتنين حبوا بعض جدا وعرفها على عايلته كلها.وقالها كمان ان ريحة دمها مرغوبة اوى بالنسبة له.
الاحداث بتتطور لما جماعة تانية من الڤامبير الجوالين تجيى تصيد فى فوركس واحد منهم چيمس شغلته صياد وبيعرف يتتبع فريسته عرف ان بيلا مش منهم وطاردها عشان يقتلها ويشرب دمها. عايلة الكولينز عشان تشتت انتباهه فرقت بين بيلا وأدوارد. بعتوا بيلا مع أليس و چاسبر لفندق تستخبى فيه فى فونيكس. هنالك بيلا جاتلها مكالمة من چيمس قالها انه خطف امها ولازم تجيى لوحديها من غير ما تقول لاى حد و الا هيقتل امها. بيلا خافت جدا على مامتها وجريت وراحتله لوحيدها لكن هوا طلع بيكذب عليها ومش معاه امها وقالها انتى خليتى الصيد سهل اوى وصورها بكاميرا فيديو وضربها وعضها لكن أدوارد لحقها وقتله واخواته قطعوه حتت وحرقوا جثته. عشان بيلا ما تتحولش لڤامبير كارليل ابو أدوارد قاله لازم تمص السم من دمها بس ادوارد كان خايف اول ما يبتدى يمص دمها ما يعرفش يوقف لكن مت كتر حبه لبيلا قدر يوقف وانقذها. فى المستشفى أدوارد حاول يقنع بيلا انها فى خطر دايم ما دوم هوا حواليها لكن بيلا رفضت وقالتله احنا ما ينفعش نتفرق. فى اخر فصل أدوارد بياخد بيلا لحفلة الرقص فى المدرسة وبيرقص معاها. بيلا بتحاول تقنع أدوارد ان الحل الوحيد عشان يكونوا مع بعض عالطول انه يحولها ڤامبير زيه لكنه بيرفض.
[ الغلاف


الغلاف عباره عن منظر للتفاحه الفاكهه المحرمه اللى بتمثل الحب المحرم اللى بين بيلا وأدوارد.
[ الفيلم


القصة اتعملت فيلم ونزل سنة 2008 وكان ناجح جدا ماليا تلكفته كانت حوالى 37مليون دولار وايراداته فوق 350مليون دولار. الفيلم نزل 21نوفمبر 2008 فى امريكا. شركة سميت انترتينمينت هيا اللى انتجت الفيلم.
[ القصة المصورة


فى 15 يوليو 2009 قالت انترتينمينت ويكلى ان توايلايت بتتعمل دلوقتى رسومات ليها عشان تنزل قصة جرافيكس. الجرافيكس بيعملوا رسام الكوميكس الكورى يونج كيم. ستيفانى ماير بتراجع كل حاجة بتترسم. الجرافيكس مش هيكون شكل الممثلين اللى عملوا الشخصيات لا ده خليط من تخيل الكاتبة للشخصيات والممثلين(روبرت بتنسيون, كرستين ستيوارت).
] شوية من شخصيات القصة

• ايزابيلا سوان.
  
• أدوارد كولين.
  
• تشارلى سوان.
  
• رينيي.
  
• أليس كولين.
  
• أيميت كولين.
  
• كارليل كولين.
  
• روزالي هال.
  
• چاسبر هال.
  
• ايسمي كولين.
  

ميرسي كتير و على فكرة انا بحب الفيلم دى كتير